O prazo para a inscrición de novas parcelas de viñedo no Consello Regulador da Denominación de Orixe Rías Baixas xa está aberto e permanecerá dispoñible ata o 31 de abril de 2026.
Durante este período, as persoas viticultoras interesadas poderán rexistrar novas parcelas dentro do rexistro oficial do Consello Regulador, un requisito imprescindible para que os viñedos poidan formar parte da denominación de orixe e comercializar a súa produción baixo o selo Rías Baixas.
Así mesmo, o organismo regulador establece un segundo prazo, que permanecerá aberto ata o 31 de xuño de 2026, destinado á realización de modificacións de datos e cambios de titularidade daquelas parcelas que xa figuran inscritas no rexistro do Consello Regulador.
Desde o Consello Regulador lémbrase a importancia de cumprir con estes prazos administrativos para manter actualizada a información das parcelas rexistradas e garantir o correcto funcionamento do sistema de control e certificación da denominación de orixe.